Hewlêr (Rûdaw) - Serokê Amerîkayê Donald Trump ragihand ku hêzên wan 9 keştiyên şer ên Îranê têk birine û bin av kirine.
Serokê Amerîkayê Donald Trump diyar kir ku hinek ji wan keştiyan mezin û girîng bûn û baregeha sereke ya Hêzên Deryayî jî hatiye hedefgirtin.
Donald Trump îro li ser tora civakî ya Truth Socialê daxuyaniyek belav kir.
Trump got, "Nû ji min re ragihandin ku me 9 keştiyên şer ên Îranê têk birine û bin av kirine ku hinek ji wan ta radeyekê mezin û girîng in."
Serokê Amerîkayê gef xwar û got, "Em dê li pey ên din jî biçin, ew jî dê di demeke nêzîk de li binê deryayê bin."
Baregeha sereke hat têkbirin
Trump derbarê êrişên din de jî ev zanyarî dan:
"Di êrişeke din a cuda de, me heta radeyeke mezin baregeha sereke ya Hêzên Deryayî ya wan têk bir."
Trump di dawiya peyama xwe de got, "Ji bilî vê, hêza wan a deryayî gelekî baş e."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse