Hewlêr (Rûdaw)- Tevgera Talîban a Pakistanê ragihand ku rêberê wê Hekîmulah Mehsûd di êrşa balafira bê balafirvana Amerîka li bakurê wîlayeta Wezîristan li Pakistanê de hat kuştin.
Li gor nûçeya Skynews ya erebî, fermandarekî mezin ê Talîbana Pakistanê û çavkaniyên îstixbarata Pakistanê diyar kirin ku cenazeyê Hekîmulah Mehsûd wê îro saat 3yê êvarî li bajarê Mîranşah li Wezîristanê bê veşartin.
2 berpirsên îstixbarata Pakistanê gotin ku di êrîşeke balafira bê balafirvana Amerîka li bakurê Wezîristanê de 3 kes hatin kuştin, yek ji wan Hekîmulah Mehsûd bû.
Her du berpirsên pakistanî diyar kirin ku, duh balafirên Amerîkî 2 rokêt avêtine malekê li gundê Dandî Dêrba Xêl li nêzîk bajarê Mîranşah ku wek navenda Tora Heqanî ya çekdarî tê naskirin.
Hekîmulah Mehsûd ku navê wî yê rast Zû el-Feqar Mehsûd e, li navçeya Kotkay li başûrê Wezîristanê hatiye dinê û dostê rêberê berê yê Talîbana Pakistanê Beytulah Mehsûd bû.
Hekîmulah dema tevlî Talîban bû, wek zêrevanê taybet û alîkarê Beytulah kar dikir. Di sala 2007an de û piştî çend êrîşên li dijî hêzên Paskistanê, bi taybet revandina 300 leşkerên pakistanî, navê Hekîmulah diyar bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse