Îsraîlê baregeha Heyva Sor a Filistînê bombebaran kir

RÛDAW

Hewlêr (Rûdaw) - Li gorî Ajansa fermî ya Filistînê WAFAyê. Artêşa Îsraîlê baregeha Heyva Sor a Filistînê ya li bajarê Xan Yûnisê yê li başûrê Xezeyê bombebaran kir.

Di êrişa ku rasterast cihê karmendan kir hedef de, li gorî agahiyên destpêkê xebatkarekî Heyva Sor miriye û 3 kesên din jî birîndar bûn.

Piştî teqînê agir bi avahiyê ket.

Artêşa Îsraîlê ji 7ê Çiriya Pêşîn a 2023yan û vir ve li Xezeyê bi dehan nexweşxane û saziyên tenduristiyê bombebaran kirin, bi ser de girtin û hilweşandin.

Di êrişan de bi dehan xebatkarên tenduristiyê mirine û gelek nexweşxane û navendên tenduristiyê bi temamî ji xizmetê derketin.