Hewlêr (Rûdaw) - Artêşa Îsraîlê ragihand ku wan êrişên nû û berfireh birine ser Îranê.
Piştî vê daxuyaniyê li gelek bajarên Îranê dengê teqînan hat.
Hat diyarkirin ku li Şîraz û bajarê Urmiyeyê yê Rojhilatê Kurdistanê jî teqîn çêbûne.
Berdevka Artêşa Îsraîlê Ella Waweyayê ji ser hesabê xwe yê Xê daxuyaniyek da.
Wê da zanîn ku artêşê li dijî Îranê dest bi êrişeke nû kiriye.
"Me pêleke nû ya êrişan da destpêkirin"
Ella Waweyayê di daxuyaniya xwe de got:
"Hêzên Asmanî yên Îsraîlê beriya niha bi demeke kurt li dijî sîstemên parastinê, rampayên mûşekan û binesaziyên din ên Îranê pêleke nû ya êrişên berfireh da destpêkirin."
Piştî vê daxuyaniyê, li ser medyaya civakî dîmenên teqînên li Şîraz û Urmiyeyê û gelek cihên din belav bûn.
Êrişên Amerîka û Îsraîlê
Îsraîl û Amerîkayê 28ê Sibatê dest bi êrişên leşkerî yên li ser Îranê kir.
Îranê jî bersiva van êrişan da û êrişî Îsraîlê kir.
Her wiha Îranê li Qeter, Mîrgehên Ereb ên Yekbûyî (Îmarat) û Behreynê jî êrişî baregehên Amerîkayê kir.
Di êrişên Amerîka û Îsraîlê de Rêberê Îranê Elî Xamineyî jî di nav de gelek rayedarên pilebilind hatin kuştin.
Li aliyê din, Heyva Sor a Îranê ragihand ku di êrişên Amerîka û Îsraîlê de heta niha 787 kes mirine.
#VÎDEO - Tehran di nav agir de ma... Bombeyên Îsraîl û Amerîkayê bi ser paytexta Îranê de dibarin#Rojhilat #Israel #Iran #Tahran #Trump #طهران #تل_أبيب #Khamenei #خامنئي pic.twitter.com/iCphW7oof7
— RudawKurdi (@RudawKurdi) March 3, 2026
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse