Hewlêr (Rûdaw) - Azerbeycanê ragihand, droneke ku ji aliyê Îranê ve hatibû li arazîya balafirgeha Komara Xweser a Naxçivanê ketiye.
Wezareta Karên Derve ya Azerbeycanê daxuyand ku hinek dronên ku ên ji aliyê Îranê ve hatine berdan li axa welêt ketine.
Hat diyarkirin ku yek ji dronan li avahiya termînalê ya Balafirgeha Navneteweyî ya Naxçivanê ketiye û ya din jî li nêzîkî dibistaneke gundê Şekerabadê ketiye.
2 sivîl birîndar bûn
Di daxuyaniyê de hat destnîşankirin ku ew dronên ji Îranê hatine şandin li Naxçivanê bûne sedema xisarê.
Hat ragihandin ku ji ber lêketina drona li balafirgehê xisara madî çêbûye û di bûyera li gundê Şekerabadê de jî 2 sivîl birîndar bûne.
Azerbeycanê şermezar kir
Wezareta Karên Derve ya Azerbeycanê diyar kir ku êriş ji axa Îranê hatine kirin û wiha got:
"Em van êrişên dronan ên ku ji axa Komara Îslamî ya Îranê hatine kirin bi tundî şermezar dikin.
Di encama êrişan de xisar gihiştiye avahiya balafirgehê û du sivîl birîndar bûne."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse