Li Tehranê teqînên dijwar, Îsraîlê daxuyaniyeke nû da

Hewlêr (Rûdaw) - Artêşa Îsraîlê ragihand ku wan li hemberî "binesaziya rejîmê" ya li Tehrana paytexta Îranê pêleke berfireh a êrişên asmanî daye destpêkirin.

Hat ragihandin ku piştî êrişan li herêmên rojhilat û rojavayê Tehranê dengê teqînên gelekî dijwar hatiye bihîstin.

Televîzyona dewletê ya Îranê jî piştrast kir ku li gelek cihên Tehrana paytext teqînên dijwar çêbûne.

Li gorî agahiyên ji çavkaniyên xwecihî hatine wergirtin, li rojhilat û rojavayê bajar pêşî dengê balafiran hatiye bihîstin.

Hemen piştî wê jî yekser teqînên gelekî bihêz rû daye.

Tê diyarkirin ku piştî êrişan ji herêmên stratejîk ên bajar dûkel bilind bûye.

Hedef binesazî ye

Di daxuyaniya nîvê şevê ya artêşa Îsraîlê de armanca êrişê wekî "tesîsên binesaziyê yên Îranê" hat pênasekirin.

Di daxuyaniyê de li ser çarçoveya êrişan û taybetiyên wan tesîsên ku hatine armanckirin hûrgilî nehatin dayîn.

Lê hat destnîşankirin ku operasyon wekî "pêleke berfireh" hatiye plankirin.