Hewlêr (Rûdaw) - Serokê Herêma Kurdistanê Nêçîrvan Barzanî û Serokkomarê Sûriyeyê Ehmed Şer bi telefonê axivîn û Ehmed Şer êrişên li ser Herêma Kurdistanê şermezar kirin.
Serokkomarê Demkî yê Sûriyeyê Ehmed Şer doh êvarî telefonî Serokê Herêma Kurdistanê Nêçîrvan Barzanî kir.
Li gorî daxuyaniya Serokatiya Herêma Kurdistanê, her du aliyan rewşa herêmê û rûdanên dawî yên şer û bandorên wî nirxandin.
Wan bal kişand ser girîngiya xurtkirina hewlên dîplomatîk ên ji bo rawestandina şer û çareserkirina aştiyane ya pirsgirêkan.
"Êrişên li ser Herêma Kurdistanê şermezar kirin"
Serokatiya Herêma Kurdistanê da zanîn ku her du aliyan bal kişandiye ser li ser girîngiya parastina aramî û ewlehiyê û got:
"Serok Şer di vê çarçoveyê de, êrişên ku li ser Herêma Kurdistanê tên kirin şermezar kirin."
Serokatiyê diyar kir ku “Rewşa Kurdan û pêkhateyên li Sûriyeyê, pêwendiyên Sûriyeyê yên li gel Îraqê” û “çend mijarên xwedî girîngiya hevbeş” jî mijarên din ên vê pêwendiyê bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse