Hewlêr (Rûdaw) - Artêşa Îsraîlê li navenda Beyrûta paytexta Libnanê êrişî avahiyekê kir.
Li gorî nûçeya ajansa nûçeyan a fermî ya Libnanê (NNA), balafirên şer ên Îsraîlê li herêma Ayîşe Bekkarê ya li navenda Beyrûtê, daîreyeke li avahiyeke pirtebeqî kir hedef.
Di nûçeyê de hat diyarkirin ku di encama êrişa asmanî de zerer gihiştiye avahiyê û derdora wê.
Lê belê hîn derbarê windahiyên canî ti agahî nehatine parvekirin.
Di dîmenên ku li ser medyaya civakî hatine belavkirin de tê dîtin ku piştî êrişê xisareke zêde li avahiyê û herêmê çêbûye.
Êrişên Îsraîlê yên li ser Libnanê
Artêşa Îsraîlê 2yê Adarê ragihandibû ku ji Libnanê mûşek berdane axa wan.
Piştî vê yekê Îsraîlê li seranserê Libnanê dest bi êrişên asmanî kir û Beyrûta paytext kir armanc.
Artêşa Îsraîlê ji asman û deryayê ve êrişên dijwar pêk tîne û biryar dabû ku hebûna xwe ya bejahî ya li Libnanê berfirehtir bike.
Bîlanço giran dibe
Wezareta Tenduristiyê ya Libnanê di daxuyaniya xwe ya dawî de hinek amarên nû parve kirin.
Li gorî daxuyaniyê, di êrişên Îsraîlê de yên ku ji 2yê Adarê ve didomin, hejmara miriyan derketiye 570yî.
Wezaretê her wiha da zanîn ku hejmara birîndaran jî gihîştiye 1444an.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse