Hewlêr (Rûdaw) - Fermandariya Navendî ya Hêzên Amerîkayê (CENTCOM) ragihand ku li nêzîkî Tengava Hurmizê 16 keştiyên mayînraxistinê yên Îranê hatine îmhakirin.
CENTCOMê li ser hesabê xwe yê Xê derbarê êrişên li ser keştiyên şer ên Îranê daxuyanî da.
Di daxuyaniyê de hat diyarkirin ku Amerîkayê doh li nêzîkî Tengava Hurmizê, li gel 16 keştiyên raxistina mayînan, gelek keştiyên şer ên Îranê jî tune kirine.
Êrişên Amerîka û Îsraîlê yên li ser Îranê
Îsraîl û Amerîkayê 28ê Sibatê dest bi êrişa leşkerî ya li ser Îranê kir.
Îranê jî bersiv da û ji bilî Îsraîlê, êrişî hinek armancên li welatên herêmê kir.
Bi taybetî Qeter, Mîrgehên Ereb ên Yekbûyî (Îmarat) û Behreyn bûn hedef ku baregehên Amerîkayê li wan hene.
Bilançoya kuştiyan a li Îranê
Di êrişên Amerîka û Îsraîlê de li gel Rêberê Îranê Elî Xamineyî gelek berpirsên payebilind hatin kuştin.
Li gorî rayedarên Îranî, di êrişên Amerîka û Îsraîlê de heta niha hezar û 332 kes mirine.
#VÎDEO – CENTCOMê dîmenên armanckirina keştiyên Îranê belav kirin
— RudawKurdi (@RudawKurdi) March 10, 2026
🗯️ Fermandariya Hêzên Navendî ya Amerîkayê (CENTCOM) dîmenên ku tê de li keştiyê Îranê dixe bi belav kirin
CENTCOMê di daxuyaniya xwe de got:
"Hêzên Amerîkayê, şiyana rejîma Îranê ya li deryayê lawaz dike”… pic.twitter.com/UACh8k68A3
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse