کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Brad Cooper / Wêne: Arşîv

Brad Cooper / Wêne: Arşîv

Rojhilata Navîn

Amerîka: Me li Îranê li zêdetirî 5 hezar û 500 cihan da

RÛDAW

RÛDAW

11-03-2026
Guhdarî bike
0:00
0:00
Mezinahiya Nivîsê
RÛDAW
RÛDAW11-03-2026

Nûçeyên Têkildar

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye
Rojhilata Navîn18-11-2026

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye

Israel Katz: Em ji Libnan, Sûriye û Xezeyê venakişin
Rojhilata Navîn18-11-2026

Israel Katz: Em ji Libnan, Sûriye û Xezeyê venakişin

Artêşa Îranê: Eger Amerîka şaşiyekê bike em dê bersivê bidin
Rojhilata Navîn18-11-2026

Artêşa Îranê: Eger Amerîka şaşiyekê bike em dê bersivê bidin

Hewlêr (Rûdaw) - Fermandariya Navendî ya Hêzên Amerîkayê (CENTCOM) ragihand ku di çarçoveya Operasyona Xezeba Destanî (Epic Fury) de ku li dijî Îranê hatiye destpêkirin, heta niha 60 keştî jî di nav de zêdetirî 5 hezar û 500 cihên li Îranê hatine hedefgirtin.

Brad Cooperê ku operasyonê bi rê ve dibe, êrişên li dijî Îranê nirxandin.

Brad Cooper diyar kir ku kapasiteya şer a Îranê bi awayekî sîstematîk tê rûxandin.

Wî got, "Gava ku hêza şer a Amerîkayê zêde dibe, hêza şer a Îranê paş ve diçe."

"Rejîma Îranê xwe li pişt sivîlan vedişêre"

Amiral Cooper ragihand ku hêzên asmanî bêyî rawestan mûşekên balîstîk, dron û binesaziya pîşesaziya parastinê ya Îranê hedef digirin.

Cooper eşkere kir ku balafirên şer kargeheke mezin a hilberîna mûşekên balîstîk hedef girtiye û wiha domand:

"Ez dikarim êrişên me wekî êrişên encamgir û dînamîk pênase bikim. Ji 24 saetên ewil û vir ve êrişên Îranê yên bi mûşek û dronan gelekî kêm bûne."

Amiralê Amerîkayî Îran bi wê yekê tohmetbar kir ku bi zanebûn sivîlên bêguneh ên li welatên Kendavê hedef digire.

Wî destnîşan kir ku birêvebiriya Tehranê ji bajarên qerebalix êrişan pêk tîne û xwe li pişt gelê xwe vedişêre.

Keştiyên Suleymanî  ji kar ketin

Cooper da zanîn ku hêzên deryayî ji bo pêkanîna ewlehiya Tengava Hurmizê û avên navneteweyî dixebitin.

Wî ragihand ku derbên giran li hêzên deryayî yên Îranê hatine xistin.

Cooper her wiha destnîşan kir ku keştiya dawî ya ji her çar keştiyên şer ên Suleymanî hatine îmhakirin û got:

“Bi vî awayî polayekî keştiyan ê Îranê êdî bi temamî ji qada şer derket."

Bandora hişê çêkirî

Berpirsê CENTCOMê diyar kir ku wan bi pêlên balafirên şer ên bipêşketî li ser Îranê serdestiya asmanî ava kiriye.

Cooper bal kişand ser bikaranîna teknolojiyên bipêşketî û ragihand ku sîstemên Hişê Çêkirî (AI) yên ku di nava çend çirkeyan de amarên mezin analîz dikin di dewrê de ne.

Her wiha wî destnîşan kir ku Hêzên Fezayê jî di kêmkirina kapasiteya Îranê û parastina hêzên Amerîkayê de roleke krîtik dileyizin.

Bi Îsraîl û welatên Rojhilata Navîn re hevahengî

Amiral Cooper bal kişand ser tifaqên li herêmê û got:

"Di vê operasyona mezin de em bi Îsraîlê re di nav hevahengiyeke nêzîk û bibandor de ne.

Her wiha em bi hemû hevparên xwe yên li Rojhilata Navîn re mil bi mil dixebitin."

Wî tekez kir ku operasyon bi piştgiriya koalîsyoneke berfireh didome.

Cooper diyar kir ku tevî serkeftina operasyonê jî artêş her tim amade ye.

Nûçeyên Têkildar

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye
Rojhilata Navîn18-11-2026

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye

Israel Katz: Em ji Libnan, Sûriye û Xezeyê venakişin
Rojhilata Navîn18-11-2026

Israel Katz: Em ji Libnan, Sûriye û Xezeyê venakişin

Artêşa Îranê: Eger Amerîka şaşiyekê bike em dê bersivê bidin
Rojhilata Navîn18-11-2026

Artêşa Îranê: Eger Amerîka şaşiyekê bike em dê bersivê bidin

Pirsên