Îsraîl: Balafirên me nehatine xistin
Hewlêr (Rûdaw) - Artêşa Îsraîlê ragihand, “Îdiaya Îranê ya ku dibêje du balafirên me yên şer xistine derew e.”
Medyaya Îranê îdia kir ku 2 balafirên şer ên Îsraîlê hatine xistin û piloteke jin hatiye dîlgirtin.
Berdevkê artêşa Îsraîlê Avichay Adraee di parvekirina xwe ya li ser platforma Xê de got:
"Ev nûçeyên ku çapemeniya Îranê belav dike bi temamî bê bingeh in."
Adraee di parvekirina xwe de cih da wêneyên ku Ajansa Nûçeyan a Nîvfermî ya Îranê (Tesnîm) li ser mijarê belav kirine û got ku ti têkiliya wan nûçeyan bi rastiyê re nîne.