Serokwezîrê Îsraîlê ji nişka ve nexweş ket

Hewlêr (Rûdaw) - Serokwezîrê Îsraîlê Benjamin Netanyahu ji nişka ve nexweş ket û ew rakirin nexweşxaneyê.

Di daxuyaniya Ofîsa Çapemeniyê ya Serokwezîriya Îsraîlê de hat gotin ku "Serokwezîr anîn Nexweşxaneya Şîbayê, rewşa wî baş e û tedqîqên tibî tên kirin."

Medyaya Îsraîlê jî diyar kir ku Benjamin Netanyahu birin beşa  acîl a Nexweşxaneya Şîbayê ya li bajarê Ramat Ganê.

Netanyahu yê 73 salî bi navber bi tevahî 14 sal in li Îsraîlê serokwezîriyê dike.