Hewlêr (Rûdaw) - Serokwezîrê Îsraîlê Benjamin Netanyahu bi boneya Cejna Newrozê peyameke pîrozbahiyê ji bo gelê Îranê belav kir.
Netanyahu di peyama xwe de daxwaza “sala azadiyê” kir û bi Farisî got, “Newroz pîroz be.”
“Dê ronahî bi ser bikeve”
Serokwezîrê Îsraîlê Benjamin Netanyahu di destpêka peyama xwe vîdeoyî de bangî “gelê wêrek ê Îranê” kir û got:
“Wekî her sal, ez destpêkirina demsala cejnê ya ku bi Cejna Ronahiyê dest pê dike li we pîroz dikim.
Ev cejn baweriya kevnar a gelê Îranê nîşan dide ku dê ronahî li hemberî tarîtiyê û başî jî li hemberî xerabiyê bi ser bikeve.”
Prime Minister Netanyahu:
— Prime Minister of Israel (@IsraeliPM) March 16, 2026
To the brave people of Iran, I wish you, as I do every year a happy holiday season, beginning with the Festival of Lights.
It signifies the age old belief of the Iranian people that light will triumph over darkness, that good will triumph over evil. pic.twitter.com/PoY2Mhlg6p
“Îsal wateyeke taybet a vê cejnê heye”
Netanyahu anî zimên ku îsal wateyeke taybet a vê cejnê heye û pê de çû:
“Vê cejnê bi heval, malbat û hezkiriyên xwe re pîroz bikin.
Ez vê derfetê bi kar tînim û Newrozeke xweş ji we re dixwazim, bila îsal bibe sala azadiyê.”
Peyama bi Farisî
Serokwezîrê Îsraîlê di dawiya peyama xwe de hêviya “destpêkeke nû û tijî hêvî” ji bo hemûyan xwest.
Wî peyama xwe bi zimanên Farisî bi dawî kir û got, "Newroz pîroz, payende Îran. (Newroz pîroz be, her bijî Îran)."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse