Hewlêr (Rûdaw) - Îranê ragihand ku li Îsraîlê zêdetirî 70 xalên ku Heyfa, Dîmona, Hadera û bakur û başûrê Tel Evîvê jî di nav de ne bi mûşekan kirine armanc.
Yekeya Pêywendiyên Giştî ya Supaya Pasdaran a Îranê eşkere kir ku di çarçoveya pêla 81ê ya operasyona "Peymana Rastîn 4" de êrişên nû birine ser Îsraîlê.
Di daxuyaniyê de hat diyarkirin ku Heyfa, Dîmona, Hadera û her du aliyên Tel Evîvê bi mûşekên "Îmad", "Qiyam" û "Xuremşehr 4" hatine lêdan.
Supaya Pasdaran di daxuyaniya xwe de gef xwar û got, “em dê Tel Evîv û Heyfayê bi erdê re bikin yek.”
Êrişên Amerîka û Îsraîlê yên li Îranê
Îsraîl û Amerîkayê 28ê Sibatê êrişî Îranê kir.
Ev êriş di demekê de pêk hat ku dan û standinên di navbera Washington û Tehranê de didomiyan.
Îranê jî wekî bersiv êrişî baregehên Amerîkayê yên li Qeter,Îmarata Erebî û Behreynê kir.
Her wiha Îranê li hinek welatên herêmê jî armancên ku berê diyar kiribûn da ber mûşekan.
Di êrişên Amerîka û Îsraîlê de Rêberê berê yê Îranê Elî Xamineyî û gelek berpirsên pilebilind ên wî welatî hatin kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse