Hewlêr (Rûdaw) - Artêşa Îsraîlê îro ragihand ku li başûrê Libnanê di şer de leşkerekî wan hatiye kuştin.
Artêşê diyar kir ku wan malbata wî leşkerî agahdar kiriye.
Artêşê eşkere kir ku navê wî Ori Greenberg e û ew 21 salî ye.
Ew di yekîneya keşfê ya Lîwaya Golaniyê de erkdar bû û di dema şerê li başûrê Libnanê de hatiye kuştin.
Artêşê berê diyar kiribû ku doh di encama gulebarana hawanê ya ji Libnanê de leşkerekî wan birîndar bûye.
Êrişên Îsraîlê yên li ser Libnanê
Piştî Hizbulahê 2yê Adarê êrişî Îsraîlê kir, Îsraîlê jî bi êrişên asmanî Libnan bombebaran kir.
Her wiha Îsraîlê li başûrê Libnanê dest bi operasyoneke bejayî jî kir.
Rayedarên Libnanê dibêjin ku ji wê demê ve di êrişên Îsraîlê de herî kêm 1094 kes hatine kuştin û 3 hezar û 119 kes jî birîndar bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse