Hewlêr (Rûdaw) - Serokwezîrê Îsraîlê Benjamin Netanyahu îdîa kir ku Hizbulahê agirbest bin pê kiriye. Netanyahu ragihand ku ji ber vê yekê êrişên wan ên li ser Libnanê dê bidomin.
Netanyahu di civîna kabîneyê ya heftane de axivî.
Serokwezîrê Îsraîlê ducare gef xwarin ku ew dê hedefgirtina Libnanê bidomînin. Ev daxuyanî piştî wê fermanê hat ku wî doh ji bo "êrişeke tund" dabû artêşê.
Êrişên tund ên li ser Libnanê
Netanyahu got, "Li gorî wan peymanên ku li ser wan lihevkirin çêbûye, em bi biryardarî tevdigerin."
Benjamin Netanyahu eşkere kir ku ew dê êrişên xwe yên li ser Libnanê bidomînin.
Serokwezîrê Îsraîlê destnîşan kir ku ew dê tenê bi bersivdana êrişên Hizbulahê neqedînin.
Wî got da ku "gefan ji holê rakin" dê êrişên xwe yên tund bidomînin. Netanyahu êvara doh ferman dabû artêşê da ku li dijî Libnanê êrişên giran pêk bîne.
Pêvajoya şer û agirbestê
Artêşa Îsraîlê 2yê Adarê êrişên asmanî yên giran li dijî Libnanê dabûn destpêkirin. Di wê demê de gelek gund û bajarên li başûrê welêt hatin dagirkirin.
Hikûmeta Libnanê ragihandibû ku di vê pêvajoyê de hejmara koçberên li nav welêt milyonek û 162 hezar kes derbas kiriye.
Serokê Amerîkayê Donald Trump ragihandibû ku agirbesta 10 rojî ya ku 17ê Nîsanê dest pê kiribû, ji bo 3 hefteyên din hatiye dirêjkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse