Nêçîrvan Barzanî li Îmaratê ye û dê bi El Nehyan re bicive

Hewlêr (Rûdaw) - Serokê Herêma Kurdistanê Nêçîrvan Barzanî bi serdaneke fermî gihîşt Ebû Dabiyê û dê bi Serokê Îmaratê re bicive.

Serokê Herêma Kurdistanê Nêçîrvan Barzanî çû Ebû Dabiya paytexta Îmaratê.

Nêçîrvan Barzanî di çarçoveya serdana xwe de bi Serokê Îmaratê Şêx Mihemed Bîn Zeyd El Nehyan re bicive.

#VÎDEO - Kêliya gihîştina Serokê Herêma Kurdistanê Nêçîrvan Barzanî ya Îmarata Erebî#NêçîrvanBarzanî #Kurdistan pic.twitter.com/YN1gdTnP0l

— RudawKurdi (@RudawKurdi) April 29, 2026

Mijarên civînê

Serokatiya Herêma Kurdistanê li ser naveroka civînê daxuyaniyek belav kir.

Li gorî daxuyaniyê, di civînê de dê bipêşxistina pêwendiyên Îmaratê yên bi Îraq û Herêma Kurdistanê re were gotûbêjkirin.

Her wiha dê rewşa herêmê û çend mijarên din ên ku ji bo her du aliyan girîng in werin nirxandin.

#WÊNE - Serokê Herêma Kurdistanê Nêçîrvan Barzanî li Îmarata Erebî ye

🤝 Nêçîrvan Barzanî li balafirgehê ji aliyê Şêx Mihemed bin Hemid Al Nehyan ve hat pêşwazîkirin#NêçîrvanBarzanî pic.twitter.com/HQa0YWF1Wt

— RudawKurdi (@RudawKurdi) April 29, 2026

Pêwendiyên xurt

Pêwendiyên Serokê Herêma Kurdistanê û Serokê Îmaratê gelekî xurt in û wan berê jî çendîn caran li Ebû Dabî û Dubayê hevdîtin kirine.

Ev serdana Nêçîrvan Barzanî di demekê de ye ku herêm di qonaxeke hestiyar re derbas dibe.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger