Nêçîrvan Barzanî û Al Nehyan li hev civiyan

Hewlêr (Rûdaw) - Serokê Herêma Kurdistanê Nêçîrvan Barzanî li Ebû Debiya paytexta Îmaratê bi Serokê Îmaratê Şêx Mihemed bin Zayd Al Nehyan re hevdîtinek kir.

Serokatiya Herêma Kurdistanê da zanîn ku di civînê de bipêşxistina pêwendiyên Îmaratê yên li gel Îraq û Herêma Kurdistanê û xurtkirina asoyên hevkariya navbera wan a di hemû waran de hatine gotûbêjkirin.

Hat destnîşankirin ku ev hevkarî dê “di xizmeta berjewendî û bipêşketina her du aliyan de” be.

Pêşhatên herêmê û aramî

Her du aliyan li ser rûdanên dawî û encamên metirsîdar ên rewşa herêmê ya li ser ewlehî û aramiya herêmî û navneteweyî bîr û rayên xwe parve kirin.

Wan di vê çarçoveyê de bal kişand ser girîngiya karê bihevreyî û xurtkirina hevahengî û hevkariya hevpar da ku aramî were parastin û metirsî werin dûrxistin.

Di civînê de her wiha “çend mijarên din ên ku ji bo her du aliyan girîng in” jî hatin nirxandin.

#WÊNE - Serokê Herêma Kurdistanê Nêçîrvan Barzanî li Ebû Debiya paytexta Îmaratê bi Serokê Îmaratê Şêx Mihemed bin Zayd Al Nehyan re hevdîtinek kir pic.twitter.com/lql3GOQ6l5

— RudawKurdi (@RudawKurdi) April 30, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger