Amerîka û Îsraîlê li sînorê Îranê da: 41 leşker hatin kuştin

Hewlêr (Rûdaw) - Hat ragihandin ku di êrişên Amerîka û Îsraîlê yên li qereqolên sînorî yên Îranê de 41 leşker hatine kuştin.

Li gorî nûçeya Ajansa Tesnîmê ku dispêre çavkaniyên ewlehiyê, di êrişên Amerîka û Îsraîlê yên li qereqolên sînorî yên Îranê de 41 leşker hatine kuştin.

Êrişên Amerîka û Îsraîlê

Îsraîl û Amerîkayê, dema ku dan û standinên di navbera rêveberiyên Tehran û Washingtonê de didomiyan, 28ê Sibatê dest bi êrişa leşkerî ya li Îranê kir.

Îranê jî ji xeynî Îsraîlê, li dijî baregehên Amerîkayê yên li Qeter, Îmarat û Behreynê û hinek welatên din ên herêmê bersiv da û êrişî hinek hedefan kir.

Hat diyarkirin ku di êrişên Amerîka û Îsraîlê de, Rêberê Îranê Ayetullah Elî Xamineyî û gelek berpirsên bilind hatine kuştin.

Heyva Sor a Îranê ragihand ku di bombebaranên li ser welêt de 555 kesan canê xwe ji dest daye.