Îran: Me Kurdistana Mezin têk bir

Navenda Nûçeyan - Fermandeyê Supaya Pasdaran a Îranê ragihand, plana Kurdistana Mezin di koka xwe de hate fetisdandin.

Fermandeyê Supaya Pasdaran a Îranê, Mihemed Elî Ceiferî îro serdana bajarê Urmiyê yê Rojhilatê Kurdistanê kir û di merasimekê de ragihand, "plana Kurdistana Mezin di van mehên dawiyê de li navçeyê hate jinavbirin û di koka xwe de hate fetisandin."

Ceiferî got, "dijmin di her warekê de hewl dide ku ewlehiya navçeyê têk bibe, lê hemû hewldanên wan tên têkbirin" û bi gotina wî yek ji wan planan jî, "plana Kurdistana Mezin" bû.

Fermandeyê Supaya Pasdaran amaje bi şerên li hember partiyên Rojhilatê Kurdistanê li parêzgeha Urmiyê jî kir û got, niha ewlehiya wê parêzgehê ji parêzgehên li navenda Îranê jî baştir e.

Ew gotinên Ceiferî di merasima bîranîna kuştiyên Komara Îslamî de bû ku li Urmiyê hate lidarxistin.

Wergêran û nivîsîn: Sîna Soma

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger