Êrişî Balafirgeha Navneteweyî ya Ehwazê hat kirin

Hewlêr (Rûdaw) - Alîkarê Parêzgarê Xûzistanê Welîulah Heyatî ragihand ku îro êrişî Balafirgeha Navneteweyî ya Ehwazê hatiye kirin.

Welîullah Heyatî diyar kir ku heta niha ti agahî derbarê zererên canî û birîndaran de pêk nehatine.

Ehwaz navenda parêzgeha Xûzistanê ye û zêdetirî milyonek û 500 hezar kes lê dijîn.

Ev bajar wekî yek ji navendên herî giring ên enerjî û pîşesaziya Îranê tê naskirin.

Ji destpêkirina şerê Amerîka-Îsraîl û Îranê ve li Ehwazê herî zêde li baregehên leşkerî hatiye xistin.

Gelek dron û helîkopter li esmanê bajêr digerin.

Ji ber vê metirsiyê, îro nûnerê Welî Feqîh ê li parêzgeha Xûzistanê Ebdulebî Mûsewîferd, bi çekên dij-dron li deştên Ehwazê derket pêş çavan.