Hewlêr (Rûdaw) – Medyaya Îranê ragihandin ku eger Amerîka nermbûnê nîşan nede dibe ku dan û standinên di navbera Îran û Amerîkayê de bi ser nekevin.
Dan û standinên di navbera Amerîka û Îranê de bi navbeynkariya Pakistanê didomin.
Ajansa Nûçeyan a Farsê ya nîvfermî ya Îranê agahiyên xwe spartine çavkaniyeke nêzîkî heyeta dan û standinan a Îranê.
Di nûçeyê de hat diyarkirin ku eger Amerîka nermbûnê nîşan nede, dibe ku ev pêvajo têk biçe.
Şertên Îranê yên ji bo hevdîtinan
Di nûçeyê de hat destnîşankirin ku Îran dixwaze mijarên nukleerê di qonaxên bên ên dan û standinan de werin gotûbêjkirin.
Her wiha Îranê serbestberdana pereyên xwe yên cemidandî wekî şertê destpêkê daniye pêşiya Amerîkayê.
Daxwaza Îranê ya diyarkirina keştiyên ku dê di Tengava Hurmizê re derbas bibin, yek ji mijarên sereke yên lihevenekirinê ye.
Îran dixwaze dîtin û derbasbûna keştiyan li gorî mekanîzmaya xwe diyar bike.
Nakokiya li ser Tengava Hurmizê
Li gorî nûçeyê heta ev hersê mijarên bi alozî çareser nebin, Îran tevlî dan û standinan nabe.
Her wiha hat diyarkirin ku hevdîtinên li ser mijarên nukleerê jî girêdayî wê yekê ne ku Amerîka gavên baweriyê biavêje.
Di nûçeyê de hat bibîrxistin ku birêvebiriya Washingtonê dixwaze statuya berê ya Tengava Hurmizê vegere.
Ji ber vê daxwazê jî di navbera her du aliyan de li ser vê mijarê lihevenekirin û nakokî hene.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse