Hewlêr (Rûdaw) - Saziya Balafirgehvaniya Sivîl a Îraqê ragihand ku girtina qada asmanî ya welêt 24 demjimêrên din hatiye dirêjkirin û ev biryar wekî tedbîreke xweparastinê hatiye dayîn.
Li gorî daxuyaniya Saziya Balafirgehvaniya Sivîl a Îraqê, biryar hatiye dayîn ku qada asmanî ya Îraqê ji bo hemû wan balafirên ku tên Îraqê, ji Îraqê diçin û di qada asmanî ya Îraqê re derbas dibin, girtî bimîne.
Heta 2yê Adarê girtî ye
Di daxuyaniyê de hat diyarkirin ku ev biryara dirêjkirinê îro ji saet 12:00an dest pê dike û dê heta sibe saet 12:00an bidome.
Hat destnîşankirin ku ev yek ji bo parastina ewlehiya geştên asmanî wekî rêbazeke demkî û xweparastinê ye.
Saziya Firokevaniya Sivîl amaje bi wê yekê kir ku ev biryar li ser bingeha nirxandina rewşa ewlehiyê û ji ber aloziyên li herêmê hatiye dayîn.
Her wiha hat ragihandin ku ew dê sibe li ser mijarê daxuyaniyeke din bidin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse