Hewlêr (Rûdaw) - Serokê Herêma Kurdistanê Nêçîrvan Barzanî û Serokomarê Fransayê Emmanuel Macron li Bexdayê civiyan.

Serokê Herêma Kurdistanê Nêçîrvan Barzanî û Serokomarê Fransayê Emmanuel Macron ku îro bi serdanên fermî lêi Bexdayê ne, civînek encam dan.

Civîna Nêçîrvan Barzanî û Emmanuel Macron nîv demjimêrê berdewam kir û pirsên girîng û taybet bi Herêma Kurdistanê û Fransayê hatin gotûbêjkirin.

Nêçîrvan Barzanî piştî civînê di twîtekê de ragihand, “Ez bi dîtina Serok Emmaneul Macron xweşhal im. Îro li Bexdayê civîneke berhemdar hebû. Em spasiya piştevaniya berdewm û peywendiyên bihêz ên Fransayê bo Herêma Kurdistanê dikin. Bi hêviya pêşxistin û bihêztirkirina peywendiyên me yên li gel Fransayê.”

Serokomarê Fransayê Emmanuel Macron û SerokomarêI raqê Berhem Salih civîneke rojnamevanî ya hevbeş saz kirin û Macron got ku welatî wî dê piştevaniya Iraqê bike.

Emmanuel Macron amaje bi wê yekê kir ku Pirsa destwerdanên derve rola Iraqê lawaz dike û got: “Şerê li dijî DAIŞê bi dawî nehatiye û Fransa dê di vî şerî de berdewam be li ser piştgiriya Iraqê”

Macron ehrwiha tekez kir ku Iraq rastî destwerdanên derve bûye ku dibe sedema lawazbûna wê û got: “Em dixwazin piştgiriyeke temam a serweriya Iraqê bikin. Em dê li gel Netewên Yekgirtî UN ji bo çareserkirina pirsgirêkên Iraqê destpêşxeriyekê bikin.”

Serokomarê Fransayê herwiha got ku parastina serweriya Iraqê bo navçeyê giring e, û berjewendiya civaka navdewletî di piştgiriya bo Iraqê de ye û piştgiriya Fransayê jî di demeke guncaw de ye.

Serokomarê Fransayê Emmanuel Macron û Serokomarê Iraqê Berhem Salih civîneke rojnamevanî saz kirin.

Berhem Salih diyar kir ku ji bo rûbirûbûna terorê astengên mezin li pêşiya wa ne û got: “Em dixwazin rê li destwerdanên di karûbarên Iraqê de bigrin. Em rola Fransayê di piştgirîkirina Iraqê de bilind dinrixînin.”

Serokê Fransayê Emmanuel Macron li ser hesabê xwe yê twitterê derbarê serdana xwe ya bo Bexdayê de ragihand ku ew di demeke dijwar de bo piştavaniya Iraqê çûye hatiye Bexdayê.

À Bagdad, où je suis heureux de me rendre pour la première fois, je viens apporter notre soutien à l’Irak dans une période de défis.

— Emmanuel Macron (@EmmanuelMacron) September 2, 2020

Serokê Fransayê Emmanuel Macron îro Çarşemê 2yê Îlona 2020an di çarçoveya serdaneke fermî de gihîşt Iraqê û li Koşka Bexdayê bi merasîmeke taybet ji aliyê Serokomarê Iraqê Berhem Salih ve hat pêşwazîkirin.

Civîna Macron û Salih piştî merasîma pêşwazîkirinê destpê kir û biryar e piştre Macron li gel her du serokatiyên din ên Iraqê û Serokê Herêma Kurdistanê Nêçîrvan Barzanî bicive.

Merasîma pêşwazîrkirina Serokomarê Faransayê Emmanuel #Macron li Koşka Bexdayê pic.twitter.com/4m3ETMmpnu

— RudawKurdi (@RudawKurdi) September 2, 2020

Serokê Herêma Kurdistanê Nêçîrvan Barzanî gihîşt Bexdayê û biryar e îro piştî nîvro li gel Serokê Fransayê Emmaneul Macron û herwiha rayedarên Iraqê bicive.

Nêçîrvan Barzanî di serdana xwe ya îro ya bo Bexdayê de, dê li gel hersê serokatiyên Iraqê, Serokomar Berhem Salih,  Serokwezîr Mistefa Kazimî û Serokê Parlamentoyê Mihemed Helbusî jî bicive.

Serdana Serokê Herêma Kurdistanê bo Bexdayê piştî wê yekê tê, ku Serokê Fransayê Emmanuel Macron biryar da serdana Iraqê bike û li gel berpirsên Iraqê bicive.

Li gor zanyariyên Rûdawê, civîna li gel Nêçîrvan Barzanî li ser daxwaza Macron bûye û îro piştî nîvro tê lidarxistin, çimku ji ber kêmiya demê Macron nikare serdana Hewlêrê bike û li Bexdayê jî dê tenê çend demjimêran bimîne.

Li gor agahiyan, mijara serweriya axa Iraqê, mijareke sereke ya gotûbêjên Macron û berpirsên Iraqî û Kurdistanî ye, ew yek jî di demekê de ye ku zêdetirî du mehan e Tirkiye di nav axa Başûrê Kurdistanê û Iraqê de operasyonên serbazî pêk tîne. Tê texmînkirin ku pirsgirêkên navbera Amerîka û Îranê di nav sînorê Iraqê de mijareke din a gotûbêjên herdu aliyan be.

Şêwirmendê Bilind ê Serokê Herêma Kurdistanê, Felah Mistefa derbarê naveroka hevdîtina Macron û Nêçîrvan Barzanî de ji Rûdawê re ragihand, di civînê de mijarên girêdayî Iraqê û piştevaniya Fransa bo mafên destûrî yên Herêma Kurdistanê tên gotûbêjkirin.

Serokê Fransayê Emmanuel Macron îro di çarçoveya serdaneke fermî de gihîşt Bexdayê û civîna wî ya ligel Serokomarê Iarqê Berem Salih destpê kir. Herwiha biryar e bi awayekê cuda li gel her du serokatiyên din Iraqê û Serokê Herêma Kurdistanê, Nêçîrvan Barzanî bicive.

Serokê Fransayê Emmanuel Macron îro Çarşemê 2yê Îlona 2020an di çarçoveya serdaneke fermî de gihîşt Iraqê û li Koşka Bexdayê bi merasîmeke taybet ji aliyê Serokomarê Iraqê Berhem Salih ve hat pêşwazîkirin.

Li gor agahiyan, mijara serweriya axa Iraqê, mijareke sereke ya gotûbêjên Macron û berpirsên Iraqî û Kurdistanî ye, ew yek jî di demekê de ye ku zêdetirî du mehan e Tirkiye di nav axa Başûrê Kurdistanê û Iraqê de operasyonên serbazî pêk tîne. Tê texmînkirin ku pirsgirêkên navbera Amerîka û Îranê di nav sînorê Iraqê de mijareke din a gotûbêjên herdu aliyan be.