Hewlêr (Rûdaw) – Li bajarê Tikrîtê şer di navbera hêzên ewlehiyê yên Iraqê û çekdarên DAIŞê de şerekî giran derket.
Li gorî agahiyan, îşev 4ê Nîsana 2017ê li navenda parêzgeha Selahedîn a Iraqê bajarê Tikrîtê şerekî giran di navbera hêzên Iraqê û çekdarên DAIŞê de qewimî.
Berdevkê Wezareta Navxwe ya Iraqê, emîd Seid Mein di daxuyaniyekê de ragihand: “Hêzên ewlehiyê 2 kesên xwekuj teqandine, dema ku hewl dane êrişî ser hêzeke hawarhatinê li Taxa Zuhûr a bajarê Tikrîtê yê navena parêzgeha Selahedînê bikin.”
Seid Mein tekez kir, ku niha rewş li bajarê Tikrîtê di kontrola hêzên ewlehiyê yên hikûmetê de ye û êriş hatiye şikandine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse