کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Leşkerên Amerîkayê / Wêne: Arşîv

Leşkerên Amerîkayê / Wêne: Arşîv

ÎRAQ

TAYBET - Hêzên Amerîkayê daketin çolên Îraqê, bi artêşê re şer kir

RÛDAW

RÛDAW

05-03-2026
Guhdarî bike
0:00
0:00
Mezinahiya Nivîsê
RÛDAW
RÛDAW05-03-2026

Nûçeyên Têkildar

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê
ÎRAQ18-11-2026

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê

DAIŞê li Nînowayê êrişî xaleke leşkerî kir
ÎRAQ15-11-2026

DAIŞê li Nînowayê êrişî xaleke leşkerî kir

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin
ÎRAQ09-11-2026

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin

Hewlêr (Rûdaw) - Hêzên taybet ên Amerîkayê bi helîkopteran daketine herêmên çolê yên stratejîk ên parêzgehên Enbar, Kerbela û Necefê.

Di navbera hêzên Îraqê yên ku nêzîkî herêmê bûbûn û hêzên Amerîkayê de şer derket.

Di encama wî şerî de leşkerekî Îraqî canê xwe ji dest da û 2 leşker jî birîndar bûn.

Li gorî agahiyên ku Rûdawê ji çavkaniyên xwecihî wergirtine, yekîneyên taybet ên artêşa Amerîkayê daketin qadên stratejîk ên li xala hevgihîştina her sê parêzgehan.

Şandina leşkeran a li xalên stratejîk

Li gorî agahiyên ku berpirsekî ji navçeya Rutbeyê dane Rûdawê, hêzên Amerîkayê li du xalên serekî bi cih bûne.

Hinek leşkeran daketin herêma Sinînayê ya ku 40 kîlometreyan dûrî navçeya Nuxeyba Kerbelayê ye.

Hinek jî daketin herêma Celebatê ya li navçeya Rutbeyê ya li ser sînorê Erebistana Siûdî.

Şahid û şivanên herêmê da zanîn ku ji bilî 5 heta 7 helîkopterên leşkerî, gelek otomobîlên leşkerî yên ji cureyê Humveeyê jî daketine herêmê.

Bi hêzên Îraqê re pevçûn

Di bûyera ku êvara çarşemê rû da de, di navbera hêzên Amerîkayê û Nobedarên Sînor ên Îraqê de şer derket.

Ev şer piştî wê yekê derket ku hêzên Îraqî nêzîkî devera hêzên Amerîkayê lê bi cih bûbûn, bûn.

Berpirsê Tevgera Hîkmeta Niştimanî ya Îraqê û Parlamenterê berê Hesen Fedem El-Cenabî ji Rûdawê re axivî.

Hesen Fedem El-Cenabî got, "Hêzên Amerîkayê daketin herêma çolê ya di navbera Necef û Kerbelayê de.

Dema ku yekîneyeke Îraqê bi qasî du kîlometreyan nêzîkî herêmê bû, hêzên Amerîkayê gule berdan.

Di encama êrişê de leşkerekî me şehîd ket, du leşker jî birîndar bûn. Her wiha du wesayîtên artêşê jî ji kar ketin."

Wî tekez kir ku ew yekîneyên daketine herêmê teqez hêzên Amerîkayê ne û ew îdiayên ku dibêjin ew leşkerên Îsraîlê ne, ne rast in.

“Binpêkirineke neheq e”

Şaneya Ragihandina Ewlehiyê ya Îraqê piştrast kir ku yekîneyên ser bi Fermandariya Operasyonên Kerbelayê ve di dema xebatên lêgerîn û kontrolê de rastî bombebarana asmanî û gulebaranê hatine.

Di daxuyaniyê de êriş wekî "binpêkirineke neheq" hat binavkirin.

Hat ragihandin ku ji bo lêkolîna hûrgiliyên bûyerê komîteyeke lêpirsînê ya bilind hatiye avakirin.

Berdevkê berê yê leşkerî Ferîq Ebdulkerîm Xelef jî diyar kir ku rewş ji aliyê Fermandariya Operasyonên Hevbeş ve di asta herî bilind de tê şopandin.

Girîngiya stratejîk a çolan

Xeta berfireh a çolê ku di navbera Enbar, Necef û Kerbelayê de dirêj dibe, ji ber cihê xwe yê erdnîgarî cihekî gelekî stratejîk e.

Ev dever ji bo hêzên navneteweyî yên ku dixwazin xetên piştgiriya lojîstîk ên Îranê qut bikin û operasyonên herêmî bi rê ve bibin, wekî xaleke balkêş dimîne.

Vê daketina leşkerî ya ji nişka ve ya Amerîkayê, rîska belavbûna şer a li herêmeke berfirehtir jî bi xwe re anî.

Nûçeyên Têkildar

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê
ÎRAQ18-11-2026

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê

DAIŞê li Nînowayê êrişî xaleke leşkerî kir
ÎRAQ15-11-2026

DAIŞê li Nînowayê êrişî xaleke leşkerî kir

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin
ÎRAQ09-11-2026

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin

Pirsên