DAIŞ derzî û dermanên Mûsilê dişîne Sûriyê!

Mûsil (Rûdaw) – DAIŞ derzî û dermanan ji Mûsilê derbasî Sûriyê dike. Her wiha 32 kes jî ji ber pîrozkirina Mewlûdê ji aliyê wê rêxistinê ve hatine cezakirin.

Berpirsê Ragihandinê yê Liqa PDKê li Mûsilê, Seîd Memozînî ji Rûdawê re got, DAIŞê îro 2 kamyon tijî derzî û derman û kelûmelên pijîşkî ji Mûsilê şand Sûriyê.

Seîd Memozînî, her wiha da zanîn ku DAIŞê 32 welatiyên bajarê Mûsilê ji ber ku Mewlûda Pêxember pîroz kirine, ceza kiriye û ji her yekê ji wan 13 milyon dînar standiye.

DAIŞê pîrozkirina Mewlûdê qedexe kiribû, ji ber ku li gorî baweriya DAIŞê, Mewlûd heram e û nabe were pîrozkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger