Hewlêr (Rûdaw) - Koma çekdar a li Îraqê ya ku xwe wekî "Berxwedana Îslamî ya Îraqê" dide naskirin, li ser êrişên xwe yên dawî daxuyaniyek belav kir.
Komê ragihand ku wan di rojekê de bi 31 êrişan baregehên Amerîkayê yên li Îraq, Herêma Kurdistanê û herêmê kirine hedef.
Hejmara êrişan gihîşt 291ê
Di daxuyaniya nivîskî ya wê rêxistinê de qala êrişên bi mûşek û dronan ên li ser baregehên Amerîkayê hat kirin.
Hat diyarkirin ku hejmara êrişên wan ên li ser baregehên Amerîkayê di nava 12 rojan de gihîştiye 291ê.
Her wiha di daxuyaniyê de hat îdiakirin ku di encama wan êrişan de 13 Amerîkiyî mirine û bi dehan kes jî birîndar bûne.
Êrişên Amerîka û Îsraîlê yên li ser Îranê
Îsraîl û Amerîkayê 28ê Sibatê dest bi êrişa leşkerî ya li ser Îranê kir.
Îranê jî bersiv da û ji bilî Îsraîlê, êrişî hinek armancên li welatên herêmê kir.
Bi taybetî Qeter, Mîrgehên Ereb ên Yekbûyî (Îmarat) û Behreyn bûn hedef ku baregehên Amerîkayê li wan hene.
Bilançoya kuştiyan a li Îranê
Di êrişên Amerîka û Îsraîlê de li gel Rêberê Îranê Elî Xamineyî gelek berpirsên payebilind hatin kuştin.
Li gorî rayedarên Îranî, di êrişên Amerîka û Îsraîlê de heta niha hezar û 332 kes mirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse