Hewlêr (Rûdaw) - Wezareta Parastinê ya Îraqê ragihand ku ew li hemberî êrişên li ser baregehên asmanî yên li welêt "nabin temaşeker."
Wezareta Parastinê li ser hesabê xwe yê Xê daxuyaniyek belav kir.
Wezaretê bertek nîşanî êrişên bi mûşek û dronan da ku di rojên dawî de li ser Baregeha Asmanî ya Şehîd Ela û Baregeha Asmanî ya Şehîd Elî Fileyihê hatine kirin.
“Hêzên biyanî li van baregehan nînin”
Di daxuyaniyê de hat diyarkirin ku ev baregeh bi temamî di bin serweriya Îraqê de ne.
Wezaretê destnîşan kir ku li wan baregehan ti hêzên biyanî nînin.
Hat eşkerekirin ku li wan deran tenê efser û personelên Hêza Asmanî ya Îraqê û fîloya firokeyên leşkerî yên Îraqê hene.
Hişyariya bersivdayînê
Wezareta Parastinê ya Îraqê hişyarî da ku eger ev êriş ducare bibin ew dê "li hemberî êrişan bê deng nemînin."
Di daxuyaniyê de hat gotin ku Îraq dê li hemberî her cure êrişê hemû mafên xwe yên parastinê bi kar bîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse