Hewlêr (Rûdaw) - Balyozxaneya Amerîkayê ya li Bexdayê Serokkomarê nû yê Îraqê Nizar Amêdî pîroz kir ku dest bi erkê xwe kir.
Balyozxaneya Amerîkayê peyamek li ser hesabê xwe yê medyaya civakî belav kir.
Balyozxaneyê bal kişand ser xurtkirina hevkariya stratejîk a a di serdama nû ya di navbera her du welatan de.
"Em dê bi hev re bixebitin"
Balyozxaneyê li ser navê Mîsyona Amerîkayê ya li Îraqê hêviyên serkeftinê xwest û got:
"Em ji ber hilbijartina Birêz Nizar Amêdî wekî Serokkomarê Îraqê bi dil û can pîroz dikin.
Em li bendê ne ku bi hikûmeta nû ya Îraqê re bi hev re bixebitin.”
Armanca me ew e ku ji bo berjewendiya hemû gelê Îraqê, paşerojeke serwer, aram û dewlemend ava bikin."
Tekezkirina li ser hevkariyê
Di daxuyaniyê de hat bibîrxistin ku pêwendiyên di navbera Amerîka û Îraqê de li ser bingeha "berjewendiyên dualî" ne.
Balyozxaneyê Amerîkayê diyar kir ku hevkariya di navbera Washington û Bexdayê de ji bo aramiya herêmê xwedî girîngiyeke krîtîk e.
Her wiha Balyozxaneyê Amerîkayê peyam da ku dê ew hevkarî di dema serokatiya nû de jî kûrtir bibe û berdewam bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse