Hewlêr (Rûdaw)- Serfermandarê Artêşa Amerîkayê General Martin Dempsey ragihand ku, pir nemabû çekdarên DAIŞê destê xwe deynin ser balafirgeha Bexdayê ya Navdewletî lê balafirên şer ên Amerîkayê li wan dan û ew ji wir dûr xistin.
General Martin Dempsey di hevpeyvînekê de ligel televîzyona ABC a amerîkî ragihand: “Çekdarên DAIŞê pir nêzîkî balafirgeha Bexdayê ya navdewletî bibûn. Tenê 25 km jê dûr bûn, lê Amerîka neçar ma bi helîkopterên ji curê Apache li wan çekdaran bide û wan ji wir dûr bike.”
Beriya niha çend berpirsên pilebilind ên Iraqê ragihandibûn ku, 10 hezar çekdarên DAIŞê tenê 13 km ji deriyê Bexdayê dûr in û dixwazin êrişî Bexdayê bikin.
Balafirgeha Bexdayê ya Navdewletî dikeve bajerokê Ebû Xirêb li rojavayê parêzgeha Bexdayê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse