Selahedîn (Rûdaw)- Hêzên Iraqê bi armanca kontrolkirina bajarê Tikrîtê, xwe ji operasyoneke berfireh re amade dikin.
Qeymeqamê Tikrîtê Umer Tariq ji Rûdawê re ragihand: “Hêzên ewlehiyê yên Iraqê bi piştevaniya hêzên Heşdul Şebî û çekdarên eşîran û balafirên artêşê, xwe ji rizgarkirina Tikrîtê ji destê DAIŞê re amade dikin.”
Umer Tariq wiha got: “Îro li derdora Tikrîtê û li nêzîk Bêciyê, şerekî giran di navbera hêzên ewlehiyê û çekdarên DAIŞê de derket û di encamê de gellek çekdarên wan hatin kuştin.”
Tariq wiha domand: “Niha hêzên ewlehiyê li derdora Tikrîtê û li taxa Pîşesaziyê û li navçeyên Diyum û Qadisiyê hatine bicîh kirin.”
Herwiha Berdevkê hêzên Heşdul Şeibî, Ehmed Esedî di daxuyaniyekê de ragihand: “Qonaxa yekem a operasyona kontrolkirina Tikrîtê bi dawî hat û niha dê qonaxa duyem dest pê bike.”
Ehmed Esedî wiha got: “Me di qonaxa yekê de dît ku Tikrît wek senduqeke hesin e, ji ber ku DAIŞ hemû cade û kolan û mal tijî bombe kirine û dibe ku di dema êrişa me de ew bajêr bi yekcarî wêran bibe, ji ber wan bombeyên DAIŞê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse