Hewlêr (Rûdaw) - Li Bexdaya paytexta Îraqê di malekê de şewat derket û di encamê de çar keçên malbatekê mirin.
Birêvebiriya Polîsê Bexdayê ragihand ku sedema şewatê elektrîk e bûye.
Birêvebirê Ragihandin û Peywendiyan ê Polîsê Resafeyê Elî Husên, ji Rûdawê re got:
"Êvara roja înê li maleke li devera Kampa Sarayê ya li aliyê Resafeyê ya Bexdayê şewat derket. Di encamê de çar keçên malbatekê mirin."
Li gorî gotina Elî Husên, 3 keç li cihê bûyerê û ya din jî li nexweşxaneyê miriye.
Birêvebirê Polîsê Resafeyê amaje bi wê yekê kir ku tîmên wan dest bi lêpirsînê kirine.
Li gorî zanyariyên ewil, elektrîk bûye sedema şewatê û agir bi lez belav bûye lewma keçan nekarî ye xwe rizgar bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse