Heybet Helbûsî bû Serokê Parlamentoya Îraqê

Hewlêr (Rûdaw) - Heybet Halbûsî bi piraniya dangan wekî Serokê Parlamentoya Îraqê hat hilbijartin.

Piştî bidawîhatina pêvajoya dengdanê û cudakirina hemû dangan, Halbûsî bû Serokê nû yê Parlamentoya Îraqê. 

Encamên dengdana ji bo hilbijartina Serokê Parlamentoya Îraqê hatin eşkerekirin.

Li gorî encaman, Heybet Halbûsî bi cudahiyeke mezin bi ser ket.

Encamên dengdanê wiha ne:

Heybet Halbûsî: 208 deng

Salim Îsawî: 66 deng

Amir Ebdulcebar: 9 deng

Dengên betal: 26 deng

Hat ragihandin ku piştî temamkirina vî karî, dê dengdan ji bo hilbijartina alîkarên Serokê Parlamentoyê dest pê bike.

Serokê Hevpeymaniya Ezmê Musena Samerayî ku şeva borî namzediya xwe ragihandibû, vekişiya.

Samerayî diyar kir ku ew ji bo piştgiriya pêvajoya siyasî vedikişe û hêviya serkeftinê ji Halbûsî re xwest.

Heybet Halbûsî kî ye?

Heybet Halbûsî sala 1980yî li Enbarê ji dayîk bûye.

Xwediyê bawernameya masterê ya zanistên siyasî ye.

Di xûlên çaremîn û pêncemîn ên Parlamentoya Îraqê de serokê Komîteya Gaz û Petrolê bûye.

Di xûla şeşemîn a parlamentoyê de jî Parlamenterê Fraksiyona Teqedûmê ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger