Bexda (Rûdaw) – Serokwezîrê Iraqê Heyder Ebadî eşkere kir ku hêzên iraqî derbasî nav bajarê Tikrîtê bûne û “tevahiya bajêr” ji destê DAIŞê derxistine.
Medyaya nîv-fermî ya Iraqê ji zarê Serokwezîr Heyder Ebadî ragihand, hêzên iraqî derbasî nav Tikrîtê bûne û tevahiya bajêr kontrol kirine.
Li gorî agahiyan, hêzên iraqî bi piştevaniya balafirên şer ji aliyên başûr û rojavayê Tikrîtê ve derbasî nav bajêr bûne û dest danîne ser sazî û dezgehên hikûmetê.
Nêzîkî mehekê ye artêşa Iraqê bi alîkariya milîsên şîe şerê girtina parêzgeha Selahedînê bi taybet bajarê Tikrîtê (navenda parêzgehê) dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse