SÛRIYE - Şahî bû şîn: Li dawetê teqîn, 33 birîndar hene

Hewlêr (Rûdaw) - Li parêzgeha Derayê ya li başûrê Sûriyeyê li dawetekê teqînek çêbû û 33 kes birîndar bûn.

Ajansa Fermî ya Nûçeyan a Sûriyeyê (SANA) ragihand ku li gundê Abîdînê yê Derayê di dema dawetekê de teqînekê rû daye.

Di nûçeyê de hat diyarkirin ku di teqînê de 33 kes birîndar bûne ku di nav wan de zarok jî hene.

Birêvebirê Nexweşxaneya Niştimanî ya Derayê Dr. Nizar Reşdan da zanîn ku piştî teqînê birîndar bi ambulansan veguhastine nexweşxaneyê.