Ji malbata Şêx Seîd 3 berendam

Enqere (Rûdaw) – Neviyê Şêx Seîd Diyadin Firat ji bo berendamiya parlamenteriyê serlêdana Partiya Demokratîk a Gelan (HDP) kir.

Diyadin Firat 2yê Adarê ji bo berendamiyê serlêdana HDPê kir û ew dixwaze an ji Stenbol an ji Edanê an jî ji Amedê wek namzed bê nîşandin.

Firat ji Rûdawê re got ew dixwaze êdî di navenda siyasetê de bixebite.

Firat anî ziman ewê ji bo çerçeveya gotûbêjên Ocalan ragihandî diyar bibe,  hewl bide û heger ew ji bo namzediyê neyê hilbijartin jî banga vê yekê li HDPê dike.

Diyadin Firat derbarê mijara ku hin kes din jî ji malbata wî di partiyên cuda de berendam in wiha got:

“Malbatek mezin a Şêx Seîd heye. Piştî daleqandina Şêx Seîd çend caran malbata wî hat mişextkirin. Ji ber vê yekê jî endamên malbata wî polîtîze bûn. Tiştek normal e kesên endamên malbata wî tevlî siyasete bibin û bibin namzed.”

Beriya niha Neviyê Şêx Seîd Kasim Firat ji bo berendamiyê serlêdana HDPê û Abdurrahim Firat jî serlêdana AK Partiyê kiribû.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger