Hewlêr (Rûdaw) - Mehmet Şimşek bi merasîmekê erkê Wezîrê Xezîne û Darayî yê Tirkiyê ji Nureddin Nebati wergirt û got: “Ji derveyî vegera zemîneke aqilane ti bijardeyeke Tirkiyê nemaye.”
Wezîrê berê yê Xezîne û Darayî Nureddin Nebatî îro Yekşemê 4ê Hezîrana 2023an bi merasîmekê erkê xwe radestî Mehmet Şimşek kir ku di kabîneya nû de wek Wezîrê Xezîne û Darayî yê Tirkiyê hatiye diyarkirin.
Şimşek di axaftina xwe de amaje bi wê yekê da ku armanca wan ew e rêjeya enflasyonê li Tirkiye daxînin yek reqemê û polîtîkaya wan a bingehîn rûbirûbûna enflasyonê ye.
Wezîrê Xezîne û Darayî yê Tirkiye yê nû Mehmet Şimşek wiha anî ziman “Armanca bingehîn a hikûmeta me zêdekirina refaha civakî ye. Di dema pêşiya me de ji bo gehiştina vê armancê rêgeza me ya sereke dê zelalbûn, hevgirî, pêşdîtin û guncavbûna ligel normên navdewletî be. Ji xeynî vegera zemîneke aqilane ti bijardeyeke Tirkiyê nemaye. Di rewşeke ku zehmetiyên gerdûnî û rakêşiyên jeopolîtîk zêde bûne bi rêya bihêzkirina kalîteya saziyan û qebareyê em dê pêşikiyê bidin aramiya fînansî ya makro. Bê ku em wext wenda bikin dê kar û xebata me ya bernameya dema nîvekî dest pê bike. Armanca me ya bingehîn dê îstîkrara nirxan be. Daxistina rêjeya enflasyonê bo yek reqemê ji bo welatê me gelekî girîng e.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse