Komîsyon îro dicive: Gelo dê çi were gotûbêjkirin û kîjan gav bên avêtin?
Hewlêr (Rûdaw) - Komîsyona pêvajoya çareseriyê ya Parlamentoya Tirkiyeyê, îro civîna xwe ya destpêkê li dar dixe.
Tê plankirin ku di roja yekem a civînê de, navê komîsyonê, rêbaz û esasên xebata wê û prensîbên wê bên diyarkirin.
Serokê Parlamentoya Tirkiyeyê Numan Kurtulmuş, parlamenterên endam ji bo civîna yekem a komîsyonê îro saet di 11:00an de vexwend civînê.
Piştî axaftina vekirinê ya Numan Kurtulmuş, dê nirxandinên nûnerên partiyên siyasî bên guhdarkirin û di civînê de dê rêbaz û esasên xebatê û prensîbên komîsyonê bên diyarkirin.
Hat diyarkirin ku komîsyon dê derbarê pêdiviyên ku bi pêvajoya çekdanîna rêxistinê re derketine holê de hin sererastkirinên yasayî amade bike û li ser mijarên wekî kîjan tedbîr bên girtin, xebatan bimeşîne.
Navê komîsyonê dê di civîna îro de were danîn. Nav dê ji nav pêşniyarên endamên komîsyonê were hilbijartin. Tê payîn ku partiyên siyasî yên beşdarî civînê dibin, pêşniyarên xwe yên navan pêşkêş bikin.
Kurtulmuş parlamenter vexwendin
Hatibû plankirin ku komîsyon di qonaxa yekem de ji 51 endaman pêk were û ji partiyên siyasî hatibû xwestin ku navên endamên xwe diyar bikin.
Dabeşkirina kursiyên partiyan di komîsyonê de wiha ye: AK Partî 21, CHP 10, DEM Partî 4, MHP 4, ÎYÎ Partî 3, Partiya Rêya Nû 3, HUDA PAR 1, Partiya Yenîden Refahê 1, TÎP 1, EMEP 1, DSP 1 û DP 1.
ÎYÎ Partiyê ji bo 3 kursiyên ku jê re hatibûn veqetandin nav diyar nekir û eşkere kir ku dê tevlî komîyonê nebe.
Navên ku Kurtulmuş wek endamên komîsyonê vexwendine civînê ev in:
AK Partî: Yek ji Alîkarên Serokê Giştî Parlamenterê Trabzonê Mustafa Şen, Parlamenterê Enqereyê Kurşad Zorlu, Parlamenterê Hatayê Huseyîn Yayman, Serokwekîlê AK Partiyê û Parlamenterê Dîlokê Abdulhamît Gul, Serokê Komîsyona Dadê û Parlamenterê Stenbolê Cuneyt Yuksel, Seroka Komîsyona Daxwaznameyan û Parlamentera Edeneyê Sunay Karamîk, Parlamenterê Erziromê Selamî Altinok, Parlamenterê Antalyayê Kemal Çelîk, Parlamenterê Amedê Mehmet Saît Yaz, Parlamenterê Îzmîrê Mahmut Atîlla Kaya, Parlamentera Stenbolê Şengul Karsli, Parlamenterê Mereşê Mehmet Şahîn, Parlamentera Qeyseriyê Ayşe Bohurler, Parlamentera Kocaeliyê Radiye Sezer Katircioglu, Parlamenterê Konyayê Tahîr Akyurek, Parlamenterê Mêrsînê Alî Kiratli, Parlamentera Rihayê Cevahîr Asuman Yazmaci, Parlamenterê Tekîrdagê Gokhan Dîktaş, Parlamenterê Wanê Burhan Kayaturk, Parlamenterê Meletiyê Abdurrahman Babacan, Parlamenterê Samsûnê Ersan Aksu.
CHP: Serokwekîlê CHPyê û Parlamenterê Enqereyê Murat Emîr, Parlamenterê Enqereyê Okan Konuralp, Parlamentera Bûrsayê Nurhayat Altaca Kayişoglu, Parlamenterê Amedê Mustafa Sezgîn Tanrikulu, Parlamenterên Stenbolê Turkan Elçî, Turan Taşkin Ozer û Oguz Kaan Salici, Parlamenterên Îzmîrê Murat Bakan, Gokçe Gokçen û Mehmet Salîh Uzun.
MHP: Alîkarê Serokê Giştî û Parlamenterê Stenbolê Fetî Yildiz, Parlamenterê Sakaryayê Muhammed Levent Bulbul, Parlamenterê Kirikkaleyê Halîl Ozturk û Parlamenterê Tokatê Yucel Bulut.
DEM Partî: Serokwekîla DEM Partiyê û Parlamentera Qersê Gulîstan Kiliç Koçyîgît, Parlamentera Erziromê Meral Daniş Beştaş, Parlamenterê Antalyayê Hakki Saruhan Oluç û Parlamenterê Stenbolê Cengîz Çîçek.
Partiya Rêya Nû: Serokwekîlê Partiya Rêya Nû û Parlamenterê Stenbolê Bulent Kaya, Parlamenterê Mêrsînê Mehmet Emîn Ekmen û Parlamenterê Îzmîrê Mustafa Bîlîcî.
Partiya Karkerên Tirkiyeyê (TÎP): Parlamenterê Stenbolê Ahmet Şik.
Partiya Kedê (EMEP): Parlamenterê Stenbolê Îskender Bayhan.
Partiya Yenîden Refahê (YRP): Parlamenterê Stenbolê Dogan Bekîn.
Partiya Çep a Demokratîk (DSP): Serokê Giştî Onder Aksakal.
Partiya Doza Azad (HUDA PAR): Serokê Giştî Zekerîya Yapicioglu.
Demokrat Partî (DP): Parlamenterê Îzmîrê Haydar Altintaş.