Cenazeyê Murat Bozlak tê definkirin

Enqere (Rûdaw) - Parlamenterê kurd û nûnerê bajarê Edeneyê yê Tirkiyeyê Murat Bozlak li Navenda Giştî ya DBP merasîma cenazeyê wî hat lidarxisitin.

Parlamenterê kurd Murat Bozlak, ku demek dirêj bû li Nexweşxaneya Guven a Enqereyê dihat dermankirin, jiyana xwe ji dest dabû.

Ji bo Bozlak îro saet 10.00ê li Navenda Giştî ya Partiya Herêmên Demokratîk (DBP) merasîma cenazeyê wî hat pêk anîn.

Malbata Bozlak, dostên wî, Hevserokê HDPê Selahattin Demîrtaş, Hevserokê DBPê Kamuran Yuksek Hevserokê HDKê Erugrul Kurkçu, Hevserokê DTKê Hatip Diclê, parlamenterên DBPê Sirri Sureya Onder, Adil Zozanî, Sebahat Tuncel, Hevserokê Şaredariya Merdînê Ahmet Turk, nivîskar Îsmaîl Beşikçî, parlamenterê CHPê Atilla Kart û Sezgin Tanrikulu beşdarî merasîma cenazeyê Bozlak bûn.

Di merasîmê de Hatip Diclê got: “Wî her tim xwe ji neheqiyan parast û ew her tim li ber neheqiyê hewl da.”

Selahattin Demîrtaş jî got: “Em bi saya wan gihîştinê vê astê. Em bi saya wan kesên ku werek gihîştinê wan deran.”

Cenazê Bozlak ji bo definkirinê birin  gundê Aktaşê yê giredayî navçeya Şereflikhisar a Enqereyê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger