Peyama Ocalan a Newrozê gihîşt destê HDPê

Stenbol (Rûdaw) – Şanda HDPê ji Îmraliyê vegeriya û bi xwe re peyama Ocalan a Newrozê jî anî.

Şanda HDPê, ku ji parlamenterên wê partiyê Pervîn Bûldan, Sirri Sureyya Onder, Îdrîs Balûken û Hevserokê KCDê Hatîp Dîcle û endama Kongreya Jina Azad (KJA) Ceylan Bagriyanik pêk tê, ji bo hevdîtina bi Rêberê PKKê Abdullah Ocalan re çûbû Îmraliyê.

Şanda Îmraliyê piştî ku vegeriya ragihand, wan 4 saetan bi Ocalan re hevdîtin pêk anîne û peyama wî ya Newrozê jî bi xwe re anîne.

Şandê her wiha da zanîn, peyama Ocalan a Newrozê dê roja 21ê Adara îsal li Amedê were xwendin.

Şanda Îmraliyê ti agahiyek li ser naveroka peyama Ocalan eşkere nekir.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger