Karsazê Kurd Hamdî Ulukaya bû dewlemendê herî mezin ê Tirkiyeyê

RÛDAW

Hewlêr (Rûdaw) - Forbesê lîsteya kesên herî dewlemend ên Tirkiyeyê eşkere kir.

Li gorî lîsteyê, xwediyê Chobaniyê karsazê Kurd Hamdî Ulukaya bi malê xwe yê bi qasî 13 milyar û 500 milyon dolarî di lûtkeyê de cih girt.

Murat Ulkerê di rêza duyem de ye xwediyê 5 milyar û 300 milyon dolarî ye.

Selçuk Bayraktarê ku cara ewil ket lîsteyê, bi 2 milyar û 700 milyon dolarî bû 10emîn kesê herî dewlemend ê Tirkiyeyê.

Forbesê lîsteya dewlemendên Tirkiyeyê nû kir.

Damezrînerê Chobaniyê Hamdî Ulukaya bi 13 milyar û 500 milyon dolarî di serê lîsteyê de cih girt.

Murat Ulker jî bi 5 milyar û 300 milyon dolarî di lîsteyê de li rêza duyem bi cih bû.

Selçuk Bayraktar ket lîsteyê

Serokê Desteya Birêvebir a Baykarê Selçuk Bayraktar îsal bi lez ket lîsteyê.

Bayraktar bi 2 milyar û 700 milyon dolarî bû 10emîn navê herî dewlemend ê Tirkiyeyê û bû yek ji navên herî balkêş ên lîsteyê.

Kesên herî dewlemend ên Tirkiyeyê bi dorê wiha ne:

  • Hamdî Ulukaya: 13 milyar û 500 milyon dolar
  • Murat Ulker: 5 milyar û 300 milyon dolar
  • Şaban Cemîl Kazanci: 5 milyar û 100 milyon dolar
  • Erman Ilicak: 3 milyar û 700 milyon dolar
  • Ferîdûn Geçgel: 3 milyar û 400 milyon dolar
  • Ferît Faîk Şahenk: 3 milyar û 100 milyon dolar
  • Semahat Sevîm Arsel: 3 milyar û 100 milyon dolar
  • Fîlîz Şahenk: 2 milyar û 900 milyon dolar
  • Mustafa Rahmî Koç: 2 milyar û 700 milyon dolar
  • Selçuk Bayraktar: 2 milyar û 700 milyon dolar