Wesayîta girtîgehê qulibî: 8 jê leşker 13 kes birîndar in

Hewlêr (Rûdaw) - Li navçeya Tarsûsê ya parêzgeha Mêrsînê wesayîteke girtîgehê ya ku girtî vediguhastin qulibî û di encamê de 8 jê leşker 13 kes birîndar bûn.

Wesayîta girtîgehê ya navê şofêrê wê nehat zanîn, li taxa Alifakiyê navçeya Tarsûsê ya parêzgeha Mêrsînê qulibî kêleka rê.

Di qezayê de 8 cendirme û 5 girtî bi sivikî birîndar bûn.

Li ser agahdarkirinê tîmên tenduristiyê, cenderme û agirkujiyê çûn cihê bûyerê.

Tîman ji bo kontrolê birîndar birine Nexweşxaneya Dewletê ya Tarsûsê û rewşa wan baş e.