Li Gîresunê pevçûna malbatan: 3 kes hatin kuştin
Hewlêr (Rûdaw) - Li navçeya Dereliyê ya parêzgeha Giresunê ya Tirkiyeyê di navbera du malbatan de ji ber pirsgirêkên li ser erdan pevçûn derket û di encamê de 3 kes hatin kuştin.
Li zozanên Kumbetê yên navçeya Dereliyê ji ber nakokiyên li ser erdan di navbera du malbatan de pevçûn derket.
Piştî wê kesê bi navê Haşim Gençalîoglu bi çekê gule li 3 endamên malbatekê reşandin û heman malbatê jî bi çekê bersiv da.
Di bûyerê de Haşim Kiramanoglu, hevjîna wî Ayşe Kiramanoglu û endamê malbata din Haşim Gençalîoglu canê xwe ji dest da.
Her wiha kurê malbata Kiramanogluyan jî birîndar bû.
Derbarê bûyerê dest bi lêpirsînê hat kirin û li herêmê tedbîrên ewlehiyê hatin wergirtin.