Fîçer - Gola Dûrge: Navenda cîhanî ya balindeyên koçer li Nexedê

Li parêzgeha Urmiyê ya Rojhilatê Kurdistanê, Gola Dûrge ya Nexedê wekî xezîneyeke sirûştî ya girîng ji bo balindeyên koçer derdikeve pêş. Ev gola ku rûbera wê 735 hektar û kûrahiya wê 11 milyon metre sêca av e, cihê vehesîna zêdetir ji 130 cure balindeyan e.
Di sala 1975an de, Gola Dûrge wekî yek ji girîngtirîn golan di tomara navdewletî ya Îranê de hatiye tomarkirin. Curbecuriya zîndewerên vê golê balkêş e: ji balindeyên navçeyî bigire heta balindeyên koçer, flamingo, qaza kovî, masîgir û bi dehan cureyên din li vir dijîn.
Di demekê de ku guherîna keşûhewayê, qirêjiya jîngehê û kêmbûna baranê gef li ser hemû golên Rojhilatê Kurdistanê çêkiriye, Rêxistina Nojîn Sewz a Nexedê di pêşengiya parastina vê gencîneya sirûştî de ye.
Îdrîs Wehabî, berpirsê vê rêxistinê dibêje ku ji sala 1986an ve rênima û rêberiyên jîngehê didin xwendekar û niştecihên gundên derdorê. Wehîd Cemşîdûn, çalakvanê jîngehê piştrast dike ku berhemên erênî yên van hewldanan hene.
Di serdemekê de ku zextên jîngehê gefê li ser ekosîstema cîhanê dixwe, karên Rêxistina Nojîn Sewz a Nexedê rêçareyeke bi hêvî ye ji bo hevsengiya di navbera pêdiviyên mirov û parastina sirûştê de.