Li Gola Wanê rojava/Wêne û vîdeo: Zafer Avnas
Wan (Rûdaw) - Gola Wanê di saetên rojavabûnê de dibe qadeke rengîn.
Ev mîrata xwezayê ku herêmê dike navendeke balkêş, ji bo wênegir û evîndarên xwezayê bûye cîhekî sereke.
Di saetên êvarê de, gava roj nêzî asoyê dibe, rûyê vê gola mezin a 3 hezar û 755 kîlometre çargoşe bi rengên balkêş tê xemilandin.
Yek ji hêmanên herî girîng ên vê şahiya dîtbarî jî Çiyayê Sîpanê ye ku bilindahiya wî 4 hezar 58 metre ye.
Ruxsarê çiyê bi sorbûna rojavabûnê re têkildar dibe û ji wênegiran re dîmenên bêhempa pêşkêş dike.
Wênegirên hunerî û meraqdarên ku dixwazin vê kêliyê bigirin, ber bi beravên Gola Wanê ve diherikin.
Bi taybetî di mehên havînê de, Gola Wanê ji bo geştyarên herêmî û biyanî dibe cîhekî sereke.
Ew kêliya efsûnî ya ku ezman û gol bi hev re dibin yek, ji mêvanan re ezmûnekî nejibîrkirî pêşkêş dike û bedewiyên xwezayî yên Wanê careke din dide xuyakirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse