Rûdaw (Hewlêr) – Bi teknîka lazerê dema mûyên laşê mirovan tên tunekirin, guzeke tejî rohanî bi rêya wê cîhazê dixin ser reh û qurmê mûyan. Qurmê mûyan wê pêla gurzan hildimije û heman ew ronahiya dijwar jî dibe sedema zuhakirina qurmê mû.
Sûdên bikaranîna lazerê:
Lazer ji bo tunekirina mûyên li ser rûçik, mil, pê yan jî her cihekê li bedena mirov ku dîmeneke nexweş çêdike.
1- Lazer bi hûr û kûr mûyan ji holê radike û ti birînekê jî li ser canê mirov çênake.
2- Mûyên endamên jor ên laşê mirov di xulekekê de û yên lingan jî di nav demjimêrekî de tên tunekirin.
3- Piştî 3 heta 7 rûniştinan %90ê mûyên nexwestî bi temamî namînin û di vî warî de lazer serkeftî ye.
Mirov xwe çawa amade dike?
Bikaranîna lazerê tenê bi tunekirina mûyan ve eleqeder nîne. Proseyeke hûr û zanistî ye. Divê kesê pispor lazer bike. Lewma ji bo vî karî divê kesên pispor werin peydakirin.
Ya baş ew e, beriya lazer bikî 6 hefteyan mûyên xwe jê nekî, daku rengên mûyan bi zelalî diyar bibin, gurza pêlên lazerê bi hêsanî qurmê wan bibîne û tune bike. Lê eger mûyan jêbikin lazer nikare bi rehetî binê mûyan bibîne û tune bike.
Herwiha cihên ku lazer bikî ji tîrêjên rojê biparêze. Ji ber ku tav têkbirina mûyan girantir dike û herwiha ji bo tunekirina mûyan celseyên lazerkirinê jî zêdetir dike.
Di proseya rakirina mûyan de çi dibe?
Beriya hemû tiştan mû çend milîmetreyekê li ser rûyê çerm bilind dibe û paşî pêla lazerê li gorî reng, toxî û cihê mû herwiha rengê çerm tê birêxistinkirin.
Jel an jî derman li çerm tê dayîn, pizîşk û ew kesên mûyên xwe radikin berçavkeke taybet didin ber çavên xwe. Piştî proseyê jî kremeke taybet tê bikaranîn. Rûniştina duyemîn piştî 4 heta 6 heftiyan tê kirin. Bi vî awayî rûniştin heta tunekirina mûyan, anku sekinandina geşeya mûyan, berdewam dibe.
Beşnebûn û metrisiyên wê:
Piştî proseyê heta rojek û du rojan çermê mirov weke ku tavê şewitandibe, disoje. Ev demkî ne û pir kêm bandoreke nerênî dikin. Piraniya caran jî ev sotin bêyî pêwîstî bi pizîşk hebe, ji ber xwe ve çêdibin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse