Amedspor bê rahêner ma

RÛDAW

Hewlêr (Rûdaw) - Amedspora ku di Lîga 1emîn a TFFyê de dilîze, ragihand ku piştî lihevkirinê wan rêya xwe û rahêner Mehmet Altiparmak û ekîba wî ji hev veqetandiye.

Amedsporê li ser şandina rahêner Mehmet Altiparmak daxuyaniyek belav kir

Di daxuyaniya Amedsporê de wiha hat gotin:

"Piştî hevdîtinên bi rahênerê me yê Tîma Ayê ya Futbolê ya Profesyonel Mehmet Altiparmak û ekîba wî re, me bi lihevkirineke dualî rêyên xwe ji hev veqetandin.

Em spasiya Mehmet Altiparmak û ekîba wî dikin û di beşa mayî ya kariyera wan de serkeftinê ji wan re dixwazin."

Amedspor di maça xwe ya dawî de 3-0 li hemberî Vansporê têk çûbû.

Altiparmak meha Hezîranê bi Amedsporê re li hev kiribû.

Tê payîn ku klub di demeke kurt de dest bi lêgerîna rahênerekî nû bike.