Hewlêr (Rûdaw) - Tîma Ameda Bakurê Kurdistanê Amedsporê, di maça ku li Stenbolê hat lîstin de li gel Esenler Eroksporê 1-1 wekî hev ma.
Di çarçoveya Lîga Yekemîn a TFFyê de, Amedspor li deplasmanê derket pêşberî Esenler Eroksporê.
Amedspora ku di rêza duyem a lîgê de ye, puanên xwe derxistin 71ê.
Bi vê encamê, Amedspor beriya 4 hefteyên dawî bi 4 puanan ket pêşiya Esenler Erokspora ku di rêza sêyem de ye û 67 puanên wê hene.
Li aliyê din, Erzurumspora ku li deplasmanê zora Îstanbulsporê bir, puanên xwe derxistin 75an û lîdertiya xwe parast.
Esenler Erokspor di xuleka 23yan de bi gola Ryan Jack 1-0 ket pêş.
Di xuleka 33yan de Celal gola wekheviyê avêt lê hakem ew gol qebûl nekir.
Nîvê yekem ê maçê bi serdestiya 1-0 a tîma malxwe bi dawî bû.
Diagne careke din tor hejand
Amedsporê bi xurtî dest bi nîvê duyem kir û zexta xwe ya ji bo golê zêde kir.
Di xuleka 51ê de, piştî lêdana Sînan Kurt, lîstikvanê navdar Mbaye Diagne gihîşt topê û ew şand nav tora hevrikê xwe û encam kir 1-1.
Di xulekên mayî de hewlên her du tîman jî ji bo gola serkeftinê bê encam man.
Bi vî awayî maça Esenler Erokspor û Amedsporê bi wekheviya 1-1ê bi dawî bû.
#VÎDEO - Amedsporê ji maça Eroksporê puanek bi dest xist
— RudawKurdi (@RudawKurdi) April 9, 2026
⚽ Saman Welatjêrî qala maça Amedspor û Eroksporê dike#Amedspor #Erokspor pic.twitter.com/PGtIjJ4MmM
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse