Hewlêr (Rûdaw) – Yuksekova (Gever) Spor li pêşberî Kocelî Sporê 8-0 bi ser ket.
Kuluba Sporê ya Yuksekovayê (Gever) ku di Lîga Yekemîn a Jinan a Tirkiyeyê de dilîze, di maça xwe ya li Colemêrgê de Kocaelî Spor 8-0 têk bir.
Tîmên jinan ên Yuksekova (Gever) Spor û Kocelî Sporê li Colemêrga Bakurê Kurdistanê hatin pêşberî hev.
Nîveka yekem a maçê 5-0 xelas bû, tîma Geverê nîveka duyem jî ranewestiya û maç 8-0 qediya.
Maça hefteya 12emîn a lîgê li Stadyûma Merzanê ya Colemêrgê hat lîstin.
Beriya maçê berfa li qada lîstikê hat maliştin.
Piştî ku berf hat maliştin tîmên jinan derketin qadê û tîma Geverê bi golên xwe dilê alîgirên xwe germ kir.
Îsal qet zora tîma Geverê neçûye û di koma xwe de lîder e.
